Book My VaccineTauākī tūmataiti
Ki te tāpui kano ārai mate, hui rānei, me kohi mātou i ētahi mōhiohio i a koe mā te pūnaha tāpui o 'Book My Vaccine'. Kimihia ngā mea e hopu ana mātou, te wāhi e puritia ana, ā, mā wai e āhei atu.
Mō te Book my vaccine
He pūnaha tāpui a Book My Vaccine nā Te Whatu Ora – Health New Zealand. Ka taea e koe te:
- tāpui ō toronga kano ārai mate
- tāpui ētahi toronga whakamārama
- te panoni, te whakakore rānei i ō toronga
He aha ngā mōhiohio ka kohia
Me mātua tuku koe i ētahi mōhiohio whaiaro me ētahi taipitopito whakapā ki te tāpui i tētahi kano ārai mate, i tētahi atu toronga rānei.
Ko ēnei ō taipitopito, ngā taipitopito rānei o te tangata mōna e whakaoti nei koe i te tāpuitanga, te rēhitatanga rānei (me whakaū koe kei a koe tāna whakaaetanga).
I kohia ngā mōhiohio i mua e te Manatū Hauora. Mai i te 1 o ngā rā o Hūrae 2022, e kohia nei ngā mōhiohio, e puritia nei hoki e Te Whatu Ora.
| Te momo mōhiohio | Whakahau/kōwhiringa | He aha mātou e kohi nei i ēnei mōhiohio |
|---|---|---|
| Ingoa tuatahi me te ingoa whānau (he kōwhiringa te ingoa waenga) | He mea whakahau | Ka whakamahia ki te:
He mea whakahau |
| Ingoa tuatahi me te ingoa whānau mariu | Kōwhiringa | Ka whakamahia ki te:
Kōwhiringa |
| Rā whānau | He mea whakahau | Ka whakamahia ki te:
He mea whakahau |
| Īmēra whakapā, waea whakapā hoki/rānei | He mea whakahau (me tuku rawa mai i tētahi o ēnei, neke atu rānei) | Ka whakamahia ki te:
He mea whakahau (me tuku rawa mai i tētahi o ēnei, neke atu rānei) |
| Ira tangata | Kōwhiringa - ka taea e koe te kōwhiri 'kāore e hiahia whāki' | Ka whakamahia ki te:
Kōwhiringa - ka taea e koe te kōwhiri 'kāore e hiahia whāki' |
| Mātāwaka | He mea whakahau | Ka whakamahia ki te:
He mea whakahau |
| Wāhi Noho | Kōwhiringa | Ka whakamahia ki te:
Kōwhiringa |
| E hiahiatia ana te āwhina | Kōwhiringa | Ka whakamahia kia āhei mātou ki te whakarato i ō hiahia ina haere koe ki ō toronga. Kōwhiringa |
| Ngā tauwāhi, ngā rā me ngā wā tāpui | He mea whakahau | Ka whakamahia hei whakaū i ō toronga. He mea whakahau |
| He tūtohu i tō whakaaetanga ki tā mātou tauākī tūmataiti | He mea whakahau | Ka whakamahia hei whakaū i tō mōhio ki te āhua o te whakahaere a Te Whatu Ora i tō tūmataiti. He mea whakahau |
| Whakaūnga kua whiwhi whakaaetanga koe mēnā e whakakī ana koe i te puka mō tētahi atu | He mea whakahau | Ka whakamahia hei whakaū ki Te Whatu Ora e whai mana ana koe ki te tāpui mō tētahi atu tangata. He mea whakahau |
| Te tau NHI i tukua e koe | Kōwhiringa | Whakamahia ai hei āwhina ki te whakaōrite i tō tau NHI. Kōwhiringa |
Mā mātou hoki e hopu me te rokiroki:
| Te momo mōhiohio | Whakahau/kōwhiringa | He aha mātou e kohi nei i ēnei mōhiohio |
|---|---|---|
| Tō tau NHI e whakatauritea nei e Te Whatu Ora | He mea whakahau mēnā ka taea te whakataurite | Whakamahia ai hei hono i ō mauhanga tāpui ki tō tau NHI kia taea ai te whakamahi i roto i ō toronga. Mā te hono i a koe ki tō tau NHI ka āwhina i a mātou ki te tautuhi me te whakahaere i ngā tāpuitanga kāore pea i te pono. He mea whakahau mēnā ka taea te whakataurite |
| Whakaūnga i tutuki te tāpuitanga | He mea whakahau mēnā ka taea te whakataurite | Whakamahia ai hei whakaū i roto i te Pūnaha Tāpui mēnā i tae atu te tangata ki tētahi tāpuitanga, me te whaiwhai ake i ngā toronga i hapa. He mea whakahau mēnā ka taea te whakataurite |
Pūrongo
Ka whakamahi mātou i ō mōhiohio mō te pūrongo tatauranga kia taea ai e mātou te aroturuki i te ahunga o ā mātou tāpuitanga puta i te motu – kāore koe e tautuhia i roto i ēnei pūrongo.
Whakataurite tau NHI
Mā mātou e hono ō taipitopito ki tō tau Taupū Hauora ā-Motu (NHI) mēnā kei a mātou ngā taipitopito tika mō tētahi tauritenga. Koinei tō tau tautuhi motuhake i te pūnaha hauora.
Ka whakapā atu pea tō mātou rōpū ki a koe mēnā kāore e taea te whakataurite i a koe ki tō NHI, ā, ka tuku ki a koe tētahi mea hou mēnā e tika ana.
Ngā tāpuitanga kua whakakorea
Ki te whakakore mātou i tētahi tāpuitanga mō tētahi take, mā mātou koe e whakamōhio atu mā ngā taipitopito whakapā i homai e koe, me te tāpiri kupu āwhina me pēhea te tāpui anō.
Ka whakakorea pea ngā tāpuitanga mēnā kāore e taea e mātou te whakataurite i a koe ki tētahi tau NHI, ā, kāore e taea te whakapā atu ki a koe mā ngā taipitopito whakapā kua tukua mai.
Ngā tāpui tāware
Tērā pea ka tohaina ngā mōhiohio ki ētahi atu tari mēnā e whakaaro ana mātou kua whakaritea tētahi tāpuitanga tāware, i te wā rānei e whakamātau ana tētahi ki te whakamahi i te tuakiri o tētahi atu.
Mēnā kei te tāpui tētahi mōu
Ka taea e koe te whakamana i tētahi atu tangata ki te whakarite tāpuitanga mōu, engari me whakaū rātou kei a rātou tō whakaaetanga ki te mahi i tēnei.
Ngā tāpuitanga kano ārai mate mā ngā tamariki
E whakahaua ana kia riro mā tētahi matua, kaitiaki rānei e tāpui i te toronga mā te tamaiti.
Me noho tahi tētahi matua, kaitiaki, kaitiaki ā-ture, whanaunga rānei ki te tamaiti i raro i te 12 tau i āna toronga, hei pakeke haepapa.
I te wā o te toronga, ka kōrerotia e tētahi mātanga hauora te whiwhi kano ārai mate. He wā ki te patapatai, ā, mā te pakeke haepapa rā anō e whakaū i te whakaaetanga mā te tamaiti, kia werohia ai ki te kano ārai mate.
Ahakoa he tika tō te taiohi 12 ngā tau, neke atu rānei ki te tuku i tāna ake whakaaetanga, e whakahaua ana kia kōrerotia te kano ārai mate ki ō rātou mātua, ō rātou whānau, ki tētahi tangata hāpai e whakaponotia ana.
Ka kōrero hoki tētahi mātanga hauora mō te kano ārai mate ki a rātou, i mua i te pūwerotanga, ā, me te whakautu i āna pātai. Mēnā e mārama pai ana ia, ka taea e ia te kī āe, kāo rānei ki te whiwhi i te kano ārai mate. Mēnā he pai ake ki a ia, ka taea kētia e te matua, kaitiaki rānei te tuku whakaaetanga.
Te tiaki i ō mōhiohio
Ka puritia ō mōhiohio whaiaro, ka whakahaeretia hoki i runga anō i te Privacy Act me te Health Information Privacy Code. Kua oti te whakarite i ngā tukanga haumaru hei tiaki i ō mōhiohio kia kore e āheitia kore whakamana.
Kua whakatepetia te urunga ki ō mōhiohio ki ngā kaiwhakamahi whakamana. Kua hopukina tēnei whakaurunga, ā, ka taea te arotake.
E taea ai te hautū i Book my vaccine, ka whakamahi mātou i a Amazon Web Services kei Poihākena, Ahitereiria.
Ko wai e kite ana, e āhei ana hoki ki ō mōhiohio
Ka tohaina e mātou ō mōhiohio ki te hunga me ngā rōpū e wai wāhi ana ki te whakahaeretanga o ō toronga, e whakarato ana hoki i te kano ārai mate, te ratonga whakamārama rānei ki a koe. Me āhei mātou ki te:
- tautuhi i a koe ina tāpui ana, ā, i tō taenga ki te toronga
- kōrero ki a koe ina whai mōhiohio hāngai ki a koe, ki te tautoko rānei i a koe kia tae atu ki tō toronga
- hono ō taipitopito ki tō tau NHI, ki te Rēhita Awhikiri KOWHEORI-19, ki te Aotearoa Immunisation Register rānei i te wā ka tae mai koe ki tō whiwhinga kano ārai mate, ki tō toronga rānei
- whakahaere i ngā rauemi kia nui rawa ngā kano ārai mate i te wāhi tika i te wā tika
- tautuhi me te whakapai ake i te hōtaka mā te:
- pūrongo i te nui o ngā tāngata e tāpui ana, e haere atu ana hoki ki ngā toronga
- mārama ki te āheinga o ngā whare kano ārai mate
- aroturuki i te whaihua o te hōtaka nei.
Tāpiri ake, ka rokirokia ō mōhiohio ki te pātengi raraunga pūrongo haumaru a Te Whatu Ora, ā, mēnā i tāpuitia e koe he kano ārai mate KOWHEORI-19 ka whakamahia hei tautoko i te urupare KOWHEORI-19. Ka uru pea te whakataurite ki ētahi atu huinga raraunga a Te Whatu Ora. E kore koe e tautuhia i roto i ngā pūrongo ka puta hei wāhanga o ēnei mahi pūrongo.
Mēnā kāore anō koe kia tae atu ki te 16 tau te pakeke, ka tono pea tō matua, tō kaitiaki rānei ki te āhei atu ki ō mōhiohio.
Ka kohia hoki ngā mōhiohio i a koe i te wā ka tae koe ki ō werohanga kano ārai mate, ki ētahi atu toronga rānei. Ka motuhake te whakahaeretanga o tēnei e ngā kaimahi kano ārai mate, kaimahi whakamārama rānei.
Te roa o te puritanga o ō mōhiohio
Ka puritia ō mōhiohio ki te pūnaha tāpui o Book my vaccine, ā, i te pātengi raraunga pūrongo haumaru a Te Whatu Ora, kia whakakorea rā anō te Urupare Hauora Tūmatanui KOWHEORI-19 2020, i runga rānei i ngā herenga o te Public Records Act 2005.
Te āhei atu, te panoni rānei i ō mōhiohio
Hei tirotiro i ngā mōhiohio whaiaro e puritia ana e mātou mōu, mēnā rānei he māharahara ōu, he pātai rānei mō ngā mōhiohio whaiaro e puritia ana e mātou, ā, ka hiahia ki te tono i tētahi whakatikahanga:
Īmēra: hnzPrivacy@health.govt.nz
Tuhia ki:
The Privacy Officer
Te Whatu Ora
PO Box 793
Wellington
6140
Ka hiahia pea mātou ki te whakatūturu i tō tuakiri i mua i te whakarato i ētahi mōhiohio whaiaro ki a koe.
Google Analytics
Ka whakamahi mātou i a Google Analytics hei kohi me te tātari i ngā taipitopito mō te whakamahinga o tō mātou pae tukutuku. E kore e whakapaua he kaha ki te tautuhi i ngā kaiwhakamahi takitahi. Ka taea e koe te kōwhiri kia kaua e kohia ō mōhiohio e Google Analytics mā te mono i ngā pihikete i tō pūtirotiro, mā te tāuru rānei i te tāpiritanga pūtirotiro Google Analytics Opt-out.
Kei roto i ngā mōhiohio i kohia ko tō wāhitau IP, ngā whārangi i torohia e koe i te pae tukutuku, me ngā hononga i pāwhiria e koe, te rā me te wā i toro koe ki te pae tukutuku, te pae tukutuku tohutoro (mēnā tētahi), te pūnaha whakahaere i tō pūrere me te pūtirotiro e whakamahia ana e koe, me ētahi atu mōhiohio tūpono pēnei i te arinui o tō mata me te tautuhinga reo. Ka whakamahia anō a Google reCAPTCHA.
Google Analytics Privacy Policy
Whakapā mai ki a mātou
Mēnā he āwangawanga ōu mō tō tūmataiti, īmēra ki hnzPrivacy@health.govt.nz.
Ki te kore koe e rata ki tā mātou urupare ki ōu āwangawanga tūmataiti, ka taea e koe te whakapā atu ki Te Mana Mātāpono Matatapu.